Бүтээгдэхүүний дэлгэрэнгүй

Хэрэглэх заалт
Тобрадекс нүдний дуслыг насанд хүрэгчид болон 2-оос дээш насны хүүхдийн нүдний үрэвслийн эмчилгээнд болон нүдний болор цайх өвчний үед мэс засал хийхэд халдвараас сэргийлэхэд хэрэглэнэ. Тобрадекс нүдний дуслыг кортикостероид хэрэглэх заалттай стероид-мэдрэг нүдний халдвар ба нүдний бактерийн өнгөц халдвар эсвэл бактерийн халдвар авах эрсдэлтэй үед хэрэглэнэ. Нүдэнд хэрэглэдэг стероидуудыг зовхи, нүдний салст, эвэрлэг болон нүдний алимны өмнөд хэсгийн үрэвслийн үед хэрэглэх ба бактерийн халдвар үүсэх эрсдэлтэй салстын зарим үрэвслүүдэд стероидуудыг хэрэглэхэд хаван бууруулах, үрэвсэл намдаах нөлөө үзүүлдэг болохыг хүлээн зөвшөөрсөн байдаг. Мөн түүнчлэн нүдний өмнөд судаслаг бүрхүүлийн архаг үрэвсэл, хими, туяа, дулааны түлэгдэлтийн шалтгаант эвэрлэгийн гэмтэл ба гадны биет орсон тохиолдолд хэрэглэнэ. Нүдний өнгөц халдварын өндөр эрсдэлтэй эсвэл нүдний халдвар үүсгэж болзошгүй ноцтой олон төрлийн бактери байгаа гэж үзвэл кортикостероидыг халдварын эсрэг эмтэй хавсан хэрэглэнэ.
Найрлага
1 мл хөвмөлд 3 мг тобрамицин ба 1 мг дексаметазон агуулагдана.
Анхааруулга
Хэрэв нүдний хэсэг газрын эмчилгээнд нэгээс дээш нүдний эмийн бэлдмэл хэрэглэх бол тэдгээрийг дор хаяж 5 минутын зайтай хэрэглэнэ. Нүдний тосон түрхлэгийг хамгийн сүүлд хэрэглэнэ.
Тайлбар
Хэрэглэх арга Зөвхөн нүдэнд дусааж хэрэглэнэ. Савны тагийг нээсний дараа хамгаалах бүслүүр савны амсраас суларсанбол бэлдмэлийг хэрэглэхийн өмнө түүнийг салгаж авах хэрэгтэй.. Хэрэглэхийн өмнө сайтар сэгсрэх хэрэгтэй. Дусаагуурын хошууг бохирдохоос сэргийлж аливаа гадаргууд хүргэж болохгүй. Нүдийг гэмтээж болзошгүй тул дусаагуурын хошууг нүдэнд хүргэж болохгүй. Бэлдмэлийг хэрэглэсний дараа хамар нулимсны сувгийг дарах эсвэлзовхийг зөөлөн хаахыг зөвлөнө.Энэ нь нүдэнд дусаасан эмийн бодисын биед шимэгдэхийг багасгах баүүсэх гаж нөлөөг бууруулна.