Хэрэглэх заалт
- Артерийн гипертензийн (хавсарсан эмчилгээ шаардлагатай) үед хэрэглэнэ.
Найрлага
1 шахмалд
- Идэвхитэй бодис: 20 мг эналаприл малеат, 12,5 мг гидрохлортиазид;
- Туслах бодис: натрийн гидрокарбонат, лактозын моногидрат, эрдэнэшишийн цардуул, царцмагжуулалтын өмнөх цардуул, тальк, магнийн стеарат тус тус агуулагдана.
Гаж нөлөө
- Бэлдмэлийг хэрэглэх үед дараах гаж нөлөө илэрч болно.
- Ерөнхий гаж нөлөө: ядрах, харшлын урвал (судас мэдрэлийн хаван, тромбоцитопенийн пурпур), судасны үхжилт үрэвсэл, халуурах, амьсгалын замын хямралын хам шинж (уушигны үрэвсэл, уушигны хаван), анафилаксийн урвал.
- Зүрх судасны тогтолцооны зүгээс: зүрх дэлсэх, янз бүрийн хэлбэрийн зүрхний хэм алдалт, артерийн даралт илэрхий багасах, ортостатик гипотензи, зүрх зогсох, зүрхний булчингийн шигдээс, тархинд цус харвах, зүрхний бах, Рейно-н хам шинж.
- Хоол боловсруулах тогтолцооны зүгээс: ам хатах, хэл ба амны хөндийн салст үрэвсэх, шүлсний булчирхай үрэвсэх, хоолонд дургүй болох, дотор муухайрах, бөөлжих, суулгах, өтгөн хатах, гэдэс дүүрэх, аюулхай орчмоор өвдөх, гэдэс базлах, нойр булчирхайн үрэвсэл, элэгний дутагдал, элэгний үрэвсэл, шарлах, өтгөн хар гарах.
- Амьсгалын тогтолцооны зүгээс: Хамрын салст бүрхүүл ба дайвар хөндийн үрэвсэл, залгиурын үрэвсэл, хоолой сөөх, гуурсан хоолой агчих, багтраа, уушигны үрэвсэл, уушигны нэвчдэс, эозинофилийн уушигны үрэвсэл, уушигны артерийн эмболи, уушигны шигдээс, уушигны хаван.
- Шээс ялгаруулах ба бэлгийн замын зүгээс: шээс багасах, эрчүүдийн хөх томрох, бэлгийн сулрал, бөөрний дутагдал, бөөрний үйл ажиллагаа өөрчлөгдөх, бөөрний завсрын эдийн үрэвсэл.
- Харшлын урвал: чонон хөрвөс, загатнаа.
- Арьсны зүгээс: хөлрөх, арьсны тууралт, эксфолиатив дерматит, хорт явцтай эпидермийн үхжил, олон хэлбэрийн улайрал, Стивенс-Джонсоны хам шинж, бүслүүр үлд, үс унах, гэрэлд мэдрэгших.
- Мэдрэхүйн эрхтэний зүгээс: хараа өөрчлөгдөх, амт өөрөөр мэдрэх, үнэрлэх мэдрэхүй өөрчлөгдөх, чих шуугих, нүдний салст бүрхүүл үрэвсэх ба хуурайших, нулимс гоожих.
- Төв мэдрэлийн тогтолцооны зүгээс: сэтгэл унах, тэнцвэргүйдэх, нойрмоглох, нойргүйдэх, тайван бус болох, сэтгэл санаа өөрчлөгдөх, захын мэдрэлийн эмгэг (бадайрах, мэдрэхүй өөрчлөгдөх)
- Лабораторийн үзүүлэлтийн өөрчлөлт: Цусан дахь кали багасах, ихсэх, магни багасах, кальци ихсэх, натри багасах, хлор багассаны улмаас шүлтшил үүсэх, шээсэн дэх глюкоз, шээсний хүчил ихсэх, цусан дахь холестерин, триглицерид, билирубины хэмжээ, элэгний ферментийн идэвх тус тус ихсэнэ. Лейкоцит ба эозинофилийн тоо ихсэх, нейтрофиль, лейкоцитын тоо багасах, агранулоцитоз, цус багадалт, цусны бүх эсийн тоо цөөрөх.
- Бусад: чонон яр төст хам шинж, (халуурах, булчин ба үе өвдөх, серозит, судасны үрэвсэл, эритроцитын тунах хурд ихсэх, лейкоцит ба эозинофилийн тоо олшрох, арьсны тууралт, бөөмийн эсрэг антителийн сорил эерэг гарах).
Хэрэглэх арга
Бэлдмэлийн тунг өвчтөн бүрт өвөрмөц сонгоно.
Энап-НL 20-ийн ердийн тун нь хоногт 1 шахмал бөгөөд шаардлагатай үед тунг 2 шахмалаар хоногт 1 удаа хэрэглэх хүртэл нэмэгдүүлж болно. Шахмалыг бүтнээр нь хооллох үед буюу хоолны дараа бага зэргийн шингэнээр даруулж залгина. Бэлдмэлийг тогтмол нэг цагт хэрэглэнэ (өглөө хэрэглэхэд илүү зохимжтой). Хэрэв бэлдмэлийг хэрэглэхийг мартвал дараагийн эм хэрэглэх цаг хүртэл хангалттай хугацаа байвал аль болох түргэн хэрэглэнэ. Харин дараагийн эм хэрэглэх цаг хүртэл бага хугацаа үлдсэн байвал мартсан тунг хэрэглэхгүйгээр хүлээж байгаад дараагийн тунг хэрэглэнэ. Тунг давхарлаж хэрэглэж болохгүй. Хэрэв эмчилгээний үр нөлөө хангалтгүй байвал өөр эмийн бэлдмэл нэмж хэрэглэх буюу эмчилгээг өөрчилнө. Хэрэв өвчтөнд шээс хөөх эмчилгээ хийж байгаа бол артерийн даралтыг огцом унахаас сэргийлэх зорилгоор Энап-НL 20-ийн эмчилгээг эхлэхээс дор хаяж 3 хоногийн өмнө шээс хөөх эмийн эмчилгээг зогсоох буюу тунг багасгана. Мөн эмчилгээ эхлэхийн өмнө бөөрний үйл ажиллагааг хянах шаардлагатай.
Эмчилгээний үргэлжлэх хугацааг хязгаарлахгүй.
Бөөрний үйл ажиллагааны өөрчлөлттэй үед
Креатинины клиренс 0.5 мл/с-с их ба цусны креатинин 265 мкмоль/л (3 мг/100 мл)-с бага өвчтөнд Энап-НL 20-ийг ердийн тунгаар хэрэглэж болно
